Entertainment

Америкийн WikiLeaks сайтыг үндэслэгч Жулиан Ассанж Британийн шоронд хоригдож байхдаа сэтгэлзүйн ихээхэн дарамтад байжээ. Энэ талаар хүний эрхийн асуудлаарх НҮБ-ын тусгай ажилтан Нильс Мельцер мэдэгдэлдээ дурьдсан байна.

Нильс Мельцер энэ талаар мэдэгдэхдээ Жулиан Ассанжийн хэрэгт холбоотой нэг ч улс орон энэ баримтын дагуу мөрдөн шалгах ажил явуулахаар яарахгүй байгааг тэмдэглэжээ. Тухайлбал Их Британи, Америк, Швед болон Эквадор улсууд Ассанжтай холбоотой хэргийг хамааруулан шалгаж байгаа ч түүний эрх зөрчигдөж байгаа талаар нэг ч удаа дурьдаж байгаагүйг НҮБ-ын албаны хүн мэдэгдэлдээ дурьдсан байна. Нильс Мельцер Жулиан Ассанжийг эмнэлгийн хоёр шинжээчийн хамтаар эргэн очих үедээ түүнийг удаан хугацааны туршид сэтгэлзүйн дарамтад өртөж байсныг нь анзаарч энэ дагуу мэргэжлийн хүний дүгнэлт гаргуулсан хэдий ч улс орнууд энэ дагуу мөрдлөгө, шалгалт явуулахыг хүсэхгүй байгааг нь тэмдэглэн хэлжээ.

Жулиан Ассанжийн хувьд тэрээр 7 жилийн туршид Английн нийслэл Лондон хот дахь Эквадорын ЭСЯ-нд орогнон амьдарч, энэ оны 4-р сард Британийн хууль сахиулагчид баривчилсан юм. Улмаар Ассанжийг 50 долоо хоногийн хугацаагаар шоронд хорих шийтгэл оногдуулан хорьж байгаа юм. Мөн ирэх оны 2-р сард Ассанжийг АНУ руу шилжүүлэх эсэх асуудлаар шүүх хурал болно.