Entertainment

Америкийн түргэн хоолны МcDonalds сүлжээ рестораны гүйцэтгэх захирал Стивен Истербрук ажлаасаа чөлөөлөгджээ. Түүнийг доороо ажилладаг ажилтан бүсгүйтэй учир ургуулж, албан тушаал байр сууриа урвуулан ашигласанд буруутган ажлаас нь халах шийдвэр гаргасан байна. 

Истербрук гэр бүлтэй хэдий ч гэр бүлээс гадуур харилцаа үүсгэн, ажлынхаа эмэгтэйтэй дотно харилцаатай болсноор компанийн топ менежерүүдэд тавигддаг ёсзүйн дүрмийг ноцтой зөрчжээ. Компанийн засаглалын хуулинд удирдлагын дээгүүр албан тушаалтнуудад ажилтнуудтайгаа сээтэгнэх, дотно харилцаа үүсгэхийг хориглодог байна. Тэгвэл Истербрук өөрийн үйлдэлдээ харамсч байгаагаа илэрхийлэн, захирлуудын зөвлөлөөс түүнийг ажлаас нь чөлөөлөх шийдвэр гаргасныг хүлээн зөвшөөрч байгаагаа хэлжээ. Истербрук McDonalds компанийг 2015 оноос эхлэн тэргүүлэн ажиллаж байсан юм.