Entertainment

Вьетнамын Ламонг мужийн төв Бао Лок хотод шинэ залуу загвар зохион бүтээгчдийн дунд загварын тэмцээн уралдаан болж, шилдгээр шалгарсан дизайнеруудын бүтээлээр загварын шоу үзүүлбэр зохион байгуулжээ. 

Бао Лок хот нь Вьетнамын алдартай торгоны эх орон гэгддэг хот юм. Тиймдээ ч энэ хотыг Вьетнамын загварын нийслэл ч гэж дотооддоо нэрийддэг байна. Энд болсон залуу загвар зохион бүтээгчдийн уралдаанд 19 дизайнер шалгарч, эцсийн шатны загварын шоу үзүүлбэрт өөрсдийн загварын коллекцоороо оролцсон байна. Бао Локт залуу дизайнер, загвар зохион бүтээгчдийг шалгаруулах уралдаан 8 дахь удаагаа явагдсан юм. Нийтдээ уралдаанд 80 гаруй дизайнер оролцсоноос шилдэг 19-ийг нь шалгаруулж, эцсийн шатанд үлдээжээ. Вьетнамын шинэ залуу загвар зохион бүтээгч, дизайнерууд торгоор янз бүрийн гоёмсог даашинз хувцас урлан, загварын нэгдсэн шоу үзүүлбэр үзүүлсэн байна.