SONY/ENTERTAINMENT ONE/WARNER BROS

Entertainment

Америкийн кино урлагийн академи энэ жилийн Оскарын шагналд нэр дэвшиж байгаа бүтээлүүд, уран бүтээлчдийг нэрлэжээ. Оскарын шагнал гардуулах ёслол ирэх 2-р сарын 9-нд Америкийн Лос Анжелес хотноо болно. Тэгвэл энэ жилийн Оскарын шагналд найруулагч Тодд Филиппсын бүтээл Жокер кино хамгийн олон буюу нийтдээ 11 номинацид нэр дэвшжээ.

Супер баатруудын тухай цувралын нэг хэсэг болох Бэтмений гол дайсан Жокерын тухай өгүүлэх кино шилдэг бүтээл, шилдэг найруулга, шилдэг гол дүрийн эрэгтэй жүжигчин, шилдэг зохиол гэхчлэн 11 номинацид нэр дэвшсэн байна. Түүнчлэн Жокераас гадна найруулагч Квентин Тарантиногийн “Холливудад нэг удаа, мөн Сэм Мэндесийн “1917”, Мартин Скорсезе-гийн “Ирланд хүн” кино тус бүр 10 номинацид Оскарт нэр дэвшжээ. Түүнчлэн энэ жил Netflix кино студи бусад кино компаниудаас хамгийн олон бүтээлээрээ Оскарт нэр дэвшсэн байна. Оскарын шагналын шилдэг бүтээлийн төрөлд түүнчлэн “Ford Ferrari-ийн эсрэг”, “Жожо туулай”, “Паразит”, “Жижигхэн эмэгтэйчүүд”, “Хуримын түүх” зэрэг кинонууд нэр дэвшжээ. Өмнөд Солонгосын кино найруулагч Пон Жун Хо-гийн “Паразит” бүтээл Оскарт 6 номинацид нэр дэвшсэнээс “шилдэг бүтээл”, “шилдэг найруулга”, “шилдэг гадаад хэл дээрх бүтээл” зэрэг төрлүүд багтаж байна. “Шилдэг гадаад хэл дээрх бүтээл”-ийн төрөлд Испанийн найруулагч Педро Альмодоварын “Гуниг ба нэр төр“, түүнчлэн Франц, Польш, Умард Македонийн уран бүтээлчдийн бүтээл нэр дэвшээд байна.

REUTERS

NETFLIX/20TH CENTURY FOX

NETFLIX