Технологи

 Хятадын төвийн хэсэгт байрлах Хубэй мужийн Ухань хотод энэ баасан гарагт нээлтээ хийх цэргийн эрдмийн 7 дахь удаагийн олон улсын тэмцээн уралдаанд зориулсан гэрлийн шоу арга хэмжээ зохион байгуулжээ.

Ухань хот өнгө өнгийн гэрлэнд умбаж, хот тэр чигээрээ баярын уур амьсгалтай болсон байна. Ухань хотын алдарт Шар Тогоруун байшингаас авхуулаад Гишань телевизийн цамхаг, мөн Янцзы голын дээгүүрх гүүр, голын эрэг дагуух барилга байшингууд өнгө өнгийн гэрлэн чимэглэлээ асаан, шөнийн Ухань хот баярын уур амьсгалд умбасан байна. Ухань хотод маргааш дэлхийн 100 гаруй улс орны цэрэг армийнхан оролцсон цэргийн спортын наадам эхэлж байгаа юм. Цэрэг армийн алба хаагчид цэргийн эрдэм төдийгүй спортын 27 төрлөөр авхаалж самбаагаа сорин өрсөлдөх гэж байна. Цэргийн спортын наадмыг 1995 оноос эхлэн 4 жилд нэг удаа зохион байгуулсаар иржээ. Наадмын хүрээнд цэрэг дайчид цэргийн таван төрөлт, агаарын таван төрөлт, тэнгисийн таван төрөлт гэх мэт цэргийн эрдмийг спорттой хослуулсан олон тэмцээн уралдаанд оролцон, мэдлэг дадлага, авхаалж самбаагаа сорьдог юм.