Технологи

Япон улс шинэ төрлийн нисдэг тээврийн хэрэгсэл туршиж эхэллээ. Шинэ төрлийн тээврийн хэрэгсэлээ “нисдэг машин” гэж нэрлэсэн байна. Энэ нь том хэмжээний дронтой төстэй, туршилтын үйл ажиллагааг өнгөрсөн 12-р сараас хойш явуулж байгаа тухай албаныхан мэдээллээ.

Шинэ төрлийн нисдэг тээврийн хэрэгслийг Токиод төвтэй Тоёота моторс компанийн санаачилсан SkyDrive компаниас гарган авч байгаа юм. Тээврийн хэрэгслийн туршилтыг өнгөрсөн 12-р сараас эхлэн Японы Айчи засаг захиргааны бүсийн Тоёота хотод явуулж эхэлжээ. Нисдэг машин гэж нэрлэсэн тээврийн хэрэгсэл нь дөрвөн метрийн урттай хоёр метрийн өндөр. Цагт дөрвөн километр зам туулж байгааг туршилтаар илрүүлжээ. Эх сурвалжид мэдээлж байгаагаар тус компани нь Япондоо хамгийн анх удаа амжилттай энэ төрлийн тээврийн хэрэгсэл гарган авсан компани болсон байна. Зам тээврийн түгжрэл, дотоодын аялалыг хөгжүүлж, илүү амар байлгах зорилгоор нисдэг машиныг бүтээсэн. 2023 оноос эхлэн Осака болон зарим бусад мужид энэ нисдэг машиныг такси хэлбэрээр ашиглахаар төлөвлөж байна.  2028 оноос тээврийн хэрэгсэлээ илүү хөгжүүлэн автомат жолоодлоготой болгохоор төлөвлэжээ. Цаашдаа дэлхийн хэмжээнд улс орнууд энэ нисдэг машиныг өргөнөөр хэрэглэдэг болохыг хүсч байна хэмээн SkyDrive компанийн захирал Фукузава Томохиро сэтгэгдэлээ хуваалцсан байна.