Технологи

Зурагт харагдаж байгаа 2020 оны хамгийн содон загвар гэж нэрлэгдээд байгаа “хун”-гийн хэлбэртэй усан онгоц нь Италийн дизайнер Пиерпаоло Лаззаринигийн бүтээл. Энэхүү усан онгоцыг “Авангуардиа” гэж нэрлэсэн байна.

Усан онгоцыг бүтээхэд нийт таван жилийн хугацаа зарцуулжээ. Дизайнер Пиерпаоло Лаззарини энэ бүтээлийнхээ санааг анх байгалиас сэдэвлэн олсон байна.

“Байгаль бидэнд аль хэдийн гайхамшигт өнгө үзэмжээ харуулсаар байна. Энэ дээр суурилан бид загварынхаа санааг гаргасан. Хун гэдэг хамгийн дэгжин амьтдын нэг. Бас манай байгууллагын лого нь хунгийн зураг байдаг”

хэмээн "Форбс" сэтгүүлд өгсөн ярилцлагадаа хэлжээ. Усан онгоцны хүзүү хэсэг нь яг л бодит хун шиг дээш, доош хөдөлдөг. Таван жилийн туршид яг энэ загвараа бий болгохоор зургаан өөр төрлийн загвар гаргаж, олон зүйлийг тэвчиж, маш их хөдөлмөрлөсөн тухай Пиерпаоло Лаззарини хэлсэн байна.