Монголын тухай дэлхий дахинаа

АНУ-ын хөрөнгө оруулагч компаниуд сүүлийн үед Ази болон Африк тивд ашигтай гэрээ хэлцэл байгуулан, хөрөнгө оруулалт төвлөрүүлэх сонирхолтой болжээ. Азийн тивийн цээжнээ байрлах Монгол улс 2007 онд санхүүгийн хүндхэн байдалд орж, эдийн засаг нь доройтсон ч сүүлийн үед эргээд өсөлт ажиглагдаж байгаа юм.

АНУ-ын Нью Йорк хотноо төвтэй Cerberus Capital Management менежментийн компани нь дэлхийн хамгийн эрсдэлтэй зах зээл бүхий улс орнуудын нэг Монгол улсаад өөрийн хөрөнгө оруулалтаа чиглүүлэн, яриа хэлэлцээр явуулж байна.

Deutsche Bank AG , Avon Products Inc. зэрэг компаниудын үнэт цаасыг эзэмшдэг, 39 тэрбум ам. долларын актив бүхий хувийн хөрөнгө оруулалтын Cerberus Hunts компани Монголын MCS групптай хөрөнгө оруулалтын тал дээр хамтарч ажиллахаар яриа хэлэлцээр явуулж байгаа юм байна. Ингэхдээ Cerberus Hunts компани MCS Монголия-гийн нийт салбар, охин компаниудын хувьцааны 25%-д нь 110 сая ам. долларын хөрөнгө оруулалт хийх санал тавьж байгаа юм байна.

Тэгвэл үүнээс өмнө Cerberus Hunts компани нь Габриэль Шульц болон Александр Бенардын толгойлдог Сингапурын SGI Frontier Capital-тай мөн хөрөнгө оруулалтын тал дээр хамтарч ажиллах гэрээ өнгөрсөн оны 11-р сард байгуулж, үйл ажиллагаагаа тэлээд байгаа юм.

Цаашдаа Cerberus Hunts компани Монгол, Эфиопи, Гүрж зэрэг орнууд руу хөрөнгө оруулалтаа чиглүүлж, үйл ажиллагаагаа тэлэх сонирхолтой байна.