Монголын тухай дэлхий дахинаа

Монгол улс ОХУ-ын Волгоград хотноо байрлах Сарай-Берке гэх газарт байгаа Алтын ордын туурийг сэргээх хүсэлтэй байна. Энэ дагуу орон нутгийн удирдлагуудтай нь хэлэлцэн тохирч, задгай музей байгуулахаар болжээ.

Волгоградын орон нутгийн музейн удирдлагууд болон Монгол улсын Боловсрол, соёл, шинжлэх ухааны яамны дэргэдэх дэлхийн түүх соёлын хүрээлэн Алтан Ордын туурийг сэргээх талаар хамтарч ажиллах гэрээнд гарын үсэг зуржээ. Энэ талаар Волгоградын орон нутгийн музейн эрхлэгч Анатолий Мальченко мэдэгдсэн байна.

Тэрээр Монгол улс Алтан Ордын нийслэл байрлаж байсан Сарай-Беркед түүхийн музей байгуулах хүсэлтээ гаргасан талаар мэдээлжээ. Түүнчлэн эрдэмтэд Чингис хааны үед Алтан ордын нийслэл байсан газарт археологийн малталт явуулж, задгай музей байгуулахаар төлөвлөж байна. Үүний тулд Монголын тал Сарай-Беркед явуулах археологийн ажлыг санхүүжүүлж, музей байгуулах ажлыг харицах хүсэлтэй байгаа юм.

Анатолий Мальченкогийн ярьснаар Монголын тал түүнчлэн Алтан Ордын нийслэл байсан газар нутгийг тусгай хамгаалалтад авах хүсэлт гаргахаар ЮНЕСКО-д хандаад байгаа гэнэ.

Эх сурвалж:  http://www.vpravda.ru , https://gorvesti.ru