Монголын тухай дэлхий дахинаа

ОХУ болон Монгол улсын хооронд байгуулсан хилийн хамтын ажиллагааны хүрээнд Оросын Алтайн хязгаарын аж үйлдвэрлэлийн танхимын төлөөлөгчид Монголын баруун бүсийн Баян-Өлгий аймагт зочилжээ. Оросын талаас Алтайн хязгаарын аж үйлдвэрлэлийн танхимын дарга Татьяна Логинова тэргүүтэй бизнесийн салбарын төлөөлөгчид Баян-Өлгий аймагт хүрэлцэн ирсэн байна.

Энэ үеэр Баян-Өлгий аймгийн худалдааны танхимд Оросын Алтайн хязгаарын “Биосфера”, “Кедровый двор”, “Алтай-Терра”, ”Фитопам”, Алтайн эрчим хүч зэрэг компаниуд өөрийн бараа таваар, үйлчилгээг танилцуулж, Монголын талаас Баян-Өлгий аймгийн худалдаа, аж үйлдвэрлэлийн танхимын гишүүд, орон нутгийн бизнес эрхлэгчид оролцжээ.

Түүнчлэн энэ үеэр Оросын Алтайн хязгаарын төлөөлөгчдийг Баян-Өлгийн аймгийн засаг дарга Айпын Гылымхан хүлээн авч уулзан, хилийн бүс дэх аймаг, орон нутгийн цаашдын хамтын ажиллагааны талаар хэлэлцэж, ирэх жилийн бизнесийн төлөвлөгөөний талаар ярилцжээ.