Ковид-19

Хэдийгээр баяр наадам болж байгаа ч коронавируст халвараас хамгаалах анхаарал болгоомжоо алдаж болохгүйг Эрүүл мэндийн яамнаас зөвлөж байна. Өнгөрсөн 24 цагт манай улсад зөөвөрлөгдсөн нэг ч тохиолдол илрээгүй. Бүх шинжилгээний хариу сөрөг гарчээ. Харин гурван хүн бүрэн эдгэрснээр  халдвартай 27 хүн үлдэж байна. 

ХӨСҮТ-ийн 13, өчигдөр ирсэн Стамбул-Улаанбаатар чиглэлийн нислэгээр ирсэн 262 хүн, мөн ажиглах байрны 18 хүний давтан шинжилгээ, Алтанбулаг боомтоор ирсэн 169 хүн, Багабаян амралтын газарт тусгаарлагдсан 100 хүн, Алтанбулаг боомтоор орж ирсэн 19 тээврийн жолооч, Замын-Үүд боомтоор орж ирсэн 99 хүн, Сэлэнгэ аймагт тусгаарлагдсан 1 хүний вирусний шинжилгээнд халдвар илрээгүй. Өнөөдөр гурван хүн эдгэрч дараагийн ажиглалтад шилжээд байна.

Өчигдөр ажиглах байранд 124 хүн шинээр орж, 22 хүн өрхийн тусгаарлалтад шилжлээ. Тусгаарлах байранд нийт 3,154 хүн байна. Үүнд 1-5 насны 200 хүүхэд, 107 жирэмсэн эмэгтэй, 367 архаг хууч өвчтэй хүн байгааг ЭМЯ-наас мэдээллээ. Харин Цэргийн төв эмнэлэгт эрүүл мэндийн тусламж үйлчилгээ шаардлагатай 60 хүн байгаагаас 6 нь эрчимт эмчилгээний тасагт хэвтэн эмчлүүлж байна. Орон нутгийн 14 чиглэлийн галт тэргэнд 10 мянга гаруй хүн халдвар илрүүлэх асуумж судалгаа хийхэд халдвар илрээгүй. Тусгай дугаарын 119 утсанд 142 дуудлага ирсэн бол апп-д АНУ Казахстанаас иргэд холбогдож өвчний шинж тэмдэг болон урьдчилан сэргийлэлтийн талаар асууж тодруулжээ.  

Баяр наадмын өдрүүдэд ЭМЯ-ны 323002 НЭМҮТ-ийн 119 ХӨСҮТ-ийн 100 НЭМГ-ын 324207 дугаарын утас 24 цагаар ажиллаж иргэдэд эрүүл мэндийн болоод коронавируст халдвартай холбоотой зөвлөгөө мэдээллийг өгч ажиллах юм. 

ФЭЙСБҮҮК ШУУД ҮЗЭХ