Ковид-19

Коронавируст халдварын эхний давалгаа хурдацтай түгэж 800 мянга гаруй хүний амь насыг авч одлоо. Тэгвэл хоёр дахь давалгаа Ази болон Европ, Австралид эхэлсэн гэдгийг эрдэмтэд мэдэгдэж эхэллээ.

Коронавируст халдвар дэлхийн 216 улс орон, нутагт дэвсгэрт бүртгэгдэж, уг халдвараар 21.5 сая хүн өвчлөөд байна. Үүнээс 14.5 сая гаруй нь эдгэрсэн бол 775.5 мянган хүн нас баржээ.  Сүүлийн 24 цагт дэлхий дахинд 267 мянган хүн шинээр халдвар авч, 5,000 гаруй хүн эндсэн байна. Тухайлбал, нэг өдрийн дотор Энэтхэгт 58 мянга,

АНУ-д 56 мянга,

Бразильд 22 мянган хүн халдвар авч, өвчлөл өндөртэй улсын тоонд орж байна. 

ОХУ-д өчигдөр 4,969 хүн коронавируст халдвар авч, 68 хүн энджээ.

БНХАУ-д 98 тохиолдол бүртгэгдсэний 22 нь гаднаас зөөвөрлөгдсөн тохиолдол байна.

Японд Ням гарагт 1,021 хүн шинээр халдвар авч, 10 хүн эндлээ.

БНСУ-д 197 хүн коронавируст халдвар шинээр авсны ес нь гаднаас зөөвөрлөгджээ.

Сүүлийн сар гаруйн хугацаанд Япон, Солонгост халдварын тархалт нэмэгдсээр байна. 

Австралийн Викториа мужид өчигдөр COVID-19-ийн улмаас 25 хүн нас барж, 292 шинэ тохиолдол бүртгэгдсэнээр цар тахлын гарснаас хойш хамгийн хүнд өдөр боллоо.

Францад Ням гарагт 3,015 шинэ тохиолдол бүртгэгджээ.

Ийнхүү

Европ, Ази, Австралид COVID-19-ийн хоёр дахь давлагаа эхэлсэн гэж эрдэмтэд дүгнэж байна"

гэлээ. 

Үүнээс улбаалан олон улсад хэрэгжүүлж буй арга хэмжээг хураангуйлбал: АНУ-ын эрдэмтэд COVID-19-ын үед хөл хорионы дэглэм тогтоож, хүмүүсийн хөдөлгөөнийг бууруулах нь халдварын тархалтыг хазаарлах хамгийн чухал, зөв алхам гэжээ.

Франц, Солонгос, Шинэ Зеландад халдвар нэмэгдэж байгаа тул хязгаарлалтын дэглэмээ сэргээж эхэллээ. Италид олон нийтийн газруудад амны хаалт заавал зүүх, нийтийн бүжиг зохион байгуулах, цэнгээний газруудын үйл ажиллагааг хоригложээ. Мөн олон нийтийн газраар явахдаа амны хаалт зүүгээгүй бол торгууль оногдуулахаар болсон. Тус улсад сүүлийн үед залуус халдвар авах нь нэмэгдэж байгаа байгаад өвчлөлийн дундаж нас 40 байна.