Засгийн газар

Монголчууд газрын тос боловсруулах үйлдвэртэй болж дотооддоо үйлдвэрлэсэн шатахууныг хямд үнээр авдаг болно гэж 20 иод жил ярьсан ч ажил болоогүй. Тэгвэл энэ засгийн газар Энэтхэг улсын Экзим банкнаас 1,2 тэрбум ам долларын хөнгөлөлттэй зээл авч дорноговь аймгийн Алтанширээ суманд газрын тос боловсруулах үйлдвэрийн ажлыг амжилттай хэрэгжүүлж байгаа.

Өнөөдрийн байдлаар газрын тос боловсруулах үйлдвэрийг сайншанд өртөөтэй холбосон төмөр зам баригдаж дуусахаас гадна зарим дэд бүтцийн ажлууд бүрэн дууссаныг албаны хүмүүс хэлж мэдээллэсэн. Тэгвэл газрын тосыг техникийн шугам хоолойгоор дамжуулах өндөр технологийг шинэчилсэн ТЭЗҮ ээр боловсруулж нэмэлт 236 сая ам долларын санхүүжилт шаардлагатай болсон байна. Нэмэлт санхүүжилтээр газрын тосыг хоолойгоор зөөвөрлөх болоод төмөр замаар тээвэрлэх асуулуудыг шийдэх юм байна. Газрын тос боловсруулах үйлдвэр 2023 онд ашиглалтад орсноор дотооддоо евро стандартын АИ92, 95, ,98 дизел боолон онгоцны түлш үйлдвэрлэхээр зорьж байгаа юм. Ингэхдээ иргэдийн гол хэрэглээ, амжиргааны түвшинтэй шууд хамааралтай АИ 92 шатахууны нэгж үнэ үйлдвэрээс гарахдаа 900 төгрөг байхаар тооцсон. Харин санхүүжилт нэмэгдэж байгаатай холбоотойгоор бага зэрэг өсөх хэдий ч нэгж үнийг 1000 төгрөгөөс хэтрүүлэхгүй байхаар тооцжээ Нэмэлт санхүүжилтийн зээлийн хэлэлцээрийг УИХ аар хэлэлцэх эсэхийг эдийн засгийн байнгын хорооны гишүүдийн олонхи дэмжсэн юм. Газрын тос боловсруулах үйлдвэр бүрэн ашиглалтад орсноор манай улсаас жилд гардаг валютын урсгал 20-25 хувиар буурч тэр хэрээр эдийн засгийн үр өгөөж нэмэгдэнэ гэж үзэж байгаа. Үүнээс гадна 100 хувь импортоор шатахуун авдаг манай улсад гадны зах зээлээс хамааралтай үнийн савалгаа гарахгүй гэдгийг сангийн сайд онцоллоо.