Архив...

Засгийн газар

Манай улс хориод жилийн дараа эцэг хуулиа өөрчлөхдөө төрийн байгууламжаа шинэчлэх хэд хэдэн чухал заалтууд оруулсан. Тодруулбал, бүрэн эрхийнхээ хугацааг дуусгалгүй огцордог гүйцэтгэх засаглалыг тогтвортой байлгах үүднээс Засгийн газрын тэргүүн танхимаа өөрөө бүрдүүлж, дөрвөөс илүүгүй сайд УИХ-ын гишүүнээр давхар ажиллахгүй байхаар хуульчилсан. Тэгвэл Үндсэн хуулийн нэмэлт өөрчлөлтийг 5-р сарын 25-наас мөрдөж эхлэхтэй холбоотой У.Хүрэлсүхийн засгийн газар огцорч, шинэ бүрэлдэхүүнтэй засгийн газар үйл ажиллагаа явуулах ёстой гэх улстөрийн өнгө аястай хуульчдын мэдэгдэл гарч эхлэсэн. Тэгвэл энэ засгийн газар бүрэн эрхийнхээ хугацааг дуустал ажиллахад эрх зүйн зөрчил гарахгүй гэдгийг УИХ-ын төрийн байгууллалтын байнгын хорооны дарга онцоллоо.