Нийгэм

Элсэлтийн ерөнхий шалгалтын бүртгэл өнөөдрөөс эхлэн орон даяар явагдаж эхэллээ. Их дээд сургуульд элсэгчид заавал сургууль дээрээ очилгүйгээр онлайнаар бүртгүүлэх боломжтой. Бүртгэл 4-р сарын 15-ны 18:00 цаг хүртэл явагдана. Мөн өнөөдрөөс Монгол хэл бичгийн шалгалтын бүртгэл албан ёсоор эхэлж байна.

ЭЕШ-ын бүртгэл 4-р сарын 15 хүртэл явагдаж, шалгалт 6-р сарын 12-ноос 15-ны хооронд зохион байгуулагдахаар төлөвлөгджээ. Харин Монгол хэл бичгийн шалгалтын бүртгэл 3-р сарын 16-ныг хүртэл явагдаж, 3-р сарын 28-нд шалгалт болох юм. Их, дээд сургуульд элсэгчид Монгол хэл, бичгийн шалгалтандаа зохих оноог авсан тохиолдолд ЭЕШ өгөх эрхтэй болно.

Элсэгчид материалаа дутуу бүрдүүлж ирснээс болоод шалгалтандаа орж чадахгүй байх тохиолдол гардаг.  Тэгвэл энэ асуудлыг шийдэх үүднээс царай таних системийг анх удаа туршихаар болжээ. Бичиг баримтны бүрдлээс гадна өөр хүний нэр дээр ЭЕШ-тад ордог асуудал арилна гэдгийг мэргэжилтнүүд хэлж байна.

Бүртгэлтэй холбоотой мэдээллийг боловсролын үнэлгээний төвийн албан ёсны сайтаас авах боломжтой. Харин элсэгчид аль сургууль дээр шалгалт өгөх, суудлын хуваарийн мэдээлэл 5-р сарын 15 гэхэд тодорхой болох юм.