Үйл явдал

10-р сарын 1-нд тэмдэглээд өнгөрсөн Олон улсын Ахмадын баярын өдөрт зориулан манай урд хөршид ахмад настнуудын дунд нэгэн өвөрмөц тэмцээн уралдаан зохион байгуулжээ. Даваа гарагт Чуньян нэртэй баярыг Хятад даяар тэмдэглэж, 300 мянган хүн оролцсон уулын спортын тэмцээн зохион байгуулжээ. 

Чуньян баярыг Хятадын эртний билгийн тооллоор 9 дэх сарын 9 дэх өдөр тэмдэглэдэг уламжлалтай юм. Энэ баярыг өндөр настай хүмүүст зориулан намрын улиралд, агаар салхинд гарч, ууланд авиралт хийн тэмдэглэдэг байна. Энэ жил Чуньян баярыг Хятадын өнцөг булан бүрт, 30-аад муж тойрогт тэмдэглэжээ. Жилээс жилд Чуньян баярт зөвхөн ахмад настнууд төдийгүй мөн залуус ч сонирхон ирж оролцох болжээ. Хятадын баруун өмнөд хэсгийн Сычуань мужид л гэхэд Чэнду хотын Пузян тойрогт ахмадуудад зориулсан спорт өдөрлөг арга хэмжээ зохион байгуулж, 4 мянга гаруй хүн оролцсон байна.