Үйл явдал

Парис хотод хөл хориог тодорхой хэмжээнд багасгаад хоёр долоо хоногийн хугацаа өнгөрч байна. Хөл хорионы дэглэм багассан ч, цэцэрлэгт хүрээлэн, парк, голын эргүүд хаалттай хэвээр байгаа юм. Иргэд голын эрэг дагуу салхилж бөөгнөрөл үүсгэх эрсдэл өндөр байгаагаас цагдаа нар эргүүл хийж иргэдэд анхааруулга өгч эхэлжээ.

Ингэхдээ иргэдэд хүн хоорондын зайн дүрмээ баримталж сонор сэрэмжтэй байхыг сануулсан анхааруулгыг өгч байна. Иргэдийг 10-аас олуулаа байхыг хориглосон. Хүмүүс харьцангуй дүрэм журмаа хүндэтгэж байгаа тухай цагдаа нар мэдээлсэн байна. Зарим залуус голын эрэг хавиар архи, мансууруулах бодис хэрэглэх хандлагатай байгаа учраас энэ тал дээр цагдаа нар анхааран ажиллаж байгаагаа хэлжээ. Үүнээс гадна хоёр дах, удаагаа зөрчил гаргасан эсвэл шаардлагыг эсэргүүцсэн иргэнийг 135 еврогоор торгох юм байна.