Үйл явдал

АНУ-ын худалдааны хориг арга хэмжээнээс зайлсхийсэн хэргээр Ираны эрдэмтэн Сирёоус Асгари АНУ-ын цагаачлал, гаалийн хяналтын газарт  баривчлагдаад байсан. Долоон сарын дараа тэрээр суллагдан эх орондоо иржээ. Иран, АНУ хоорондоо маш олон шалтгааны улмаас харилцаа муутай болсон.

Өнгөрсөн оны 11-р сард АНУ-ыг зорьсон эрдэмтэн Сирёоус Асгари худалдааны хориг арга хэмжээнээс зайлсхийсэн шалтгаанаар АНУ-ын цагаачлал, гаалийн хяналтын газарт баривчлагдсан байсан юм. Мягмар гарагийн өглөө Ираны Гадаад хэргийн яамны сайд Мохаммед Жамад Зариф өөрийн инстаграм хуудаснаа АНУ-д саатуулагдсан байсан эрдэмтэн Сирёоус Асгари эх орноо зорин ирэх нислэг ирж байгаа тухай мэдээлжээ.

Тэрээр өөрийн твиттэр хуудаснаа ч бас “АНУ-д манай улсын хэд хэдэн эрдэмтдийг тодорхойгүй шалтгаанаар саатуулсан” хэмээн мэдэгдсэн.

2019 оны арваннэгдүгээр сард эрдэмтэн Сирёоус АНУ-д анх саатуулагдан Шүүхийн шийдвэрээр түүнийг цагаатгасан хэдий ч АНУ-ын Цагаачлал, гаалийн албанаас дахин баривчилсан байжээ. Өнгөрсөн Лхагва гарагт ноён Сирёоус эх орондоо эргэн ирсэн тухай Иранын “ИРИБ” телевизээс мэдээлсэн байна.