2026.06.02 МЯГМАР ГАРАГ | БИЛГИЙН ТООЛЛЫН 17 | ЗУНЫ ТЭРГҮҮН ХАРАГЧИН МОГОЙ САР | ЕСӨН УЛААН МЭНГЭТЭЙ УЛААГЧИН ХОНЬ ӨДӨР
Наран ургах шингэх: 04:54-20:45
Билгийн өдөр, гараг:
Шинийн арван долоонд замд гарах, худалдан авах, арилжаа хийх, балгадын үйл, үхэгсдийн үйл ба дэлгэрүүлэх үйлнээ сайн.
Бэрийн үйл, өглөгийн түллэгийг тэвч.
Үс засуулбал:
Өнгө зүс доройтно /хүүхдийн даахь/ сэвлэг үргээхэд сайн.
Одны тохиол:
Түлэх: элдэв сайн үйлийг эхлэн үүсгэхийг тэвчвэл сайн.
Хатуу үйлийг үүсгэвэл зохистой.
Шүтэн барилдлага:
Тийн мэдэхүй өдөр - эм засал хийлгэх, авшиг авах, бэрийн үйл, дайсныг дарахад болон хуран чуулах, үс угаахад сайн. Энд төрсөн хүн баатар эрэмгий, дайсныг дарагч, ширүүн үгт, хилэнц таалагч, дээдсийн ачаар амьдрагч болох. Энэ өвдвөл 3, 5, 8 хоногт эс үхвээс түүний хойно 8 хоногоос эдгэх, мөрд орвол олз олж тахигдах, хулгайч шар үстэй жижиг нүүртэй, алдсан юмыг дуугүй хүлээвэл олдох, зүүн нүд татвал хувцас олдох, баруун нүд татвал тэмцэл болох, баруун чих цангинавал сайн, зүүн нь хангинавал өчүүхэн нэгнийг үзэх, тагнай загатнах, бие татвал үзэсгэлэн болох, хөлийн шөрмөс татвал үг, асуулт болох болой.