Японы нийслэл Токио хотноо 16 хоног үргэлжилсэн хүн төрөлхтөний спортын их наадмын дараагаар Токио хотын Одайба далайн паркад босгоод байсан Олимпийн цагаригийг буулгасан байна.
Токиогийн тохойд байрлуулаад байсан Олимпийн 5 цагаригийг лхагва гарагт буулгасан байна. Токио-2020 Олимпийн наадам өнгөрсөн ням гарагт өндөрлөсөн юм. Тэгвэл Олимпийн наадамд зориулан босгоод байсан аварга том 5 цагаригийг буулгаж, Токиогийн Олимп өндөрлөснийг илтгэжээ.
Олимпод зориулан босгосон 5 цагаригийг мягмар гарагт буулгахаар төлөвлөөд байсан ч энэ өдөр хүчтэй салхитай байснаас нэг хоногоор хойшлуулан өчигдөр буулгасан байна. Одайбад сүндэрлэж байсан Олимпийн 5 цагариг нь 15,3 метрийн урттай, 32,6 метр болон 1,7 метрийн өргөнтэй байжээ. Олимпийн цагаригийг өнгөрсөн оны 12-р сард Токиогийн тохойд байрлуулаад байжээ.