Ковид-19

Халдвар авснаа мэдэлгүй 2 мянган хүнтэй шөнийн цэнгээний газраар явсан Өмнөд Солонгосын иргэн уучлал хүслээ. Түүний ойрын хавьтал 57 хүний нэг нь 5-р сарын 7-ны өдөр халдвар авсан нь тогтоогдсон байна. 29 настай иргэн А нь 5-р сарын 1-ний орой Хөдөлмөрчдийн баярын үеэр аялан зугаалж шөнийн цэнгээнд орж, 5-р сарын 2-ны орой шинж тэмдэг илэрч эхэлжээ.

Түүний орсон 5 шөнийн цэнгээний газарт ойролцоогоор 2 мянган хүн байсан байна. Иргэн А нь цахимаар дамжуулан

“Тахлын нөхцөл байдал дуусгавар болоогүй энэ үед аялж зугаалан, шөнийн цэнгээний газраар явсан намайг уучлаарай. Би ямар нэгэн муу санаа агуулан ийм үйлдэл хийгээгүй. Гэхдээ надад маргах хэрэг байхгүй. Бүх зүйл миний буруу. Та бүхний шүүмжлэлийг сонсоход бэлэн байна”

хэмээжээ.